Sunday, December 19, 2010

சாரு நிவேதிதா வெள்ளேந்தி ; மிஷ்கின் களவானி

இங்கிருக்கிற எழுத்தாளர்களில் மிகவும் வெள்ளேந்தி யார் என்று கேட்டால்,சாரு
நிவேதிதா என்று தான் நான் பதில் சொல்வேன்.

எனக்கு அவரை நேரடியாகத் தெரியாது. அவரும் நானும் ஒரு ஹலோ கூட சொல்லிக்
கொண்டதில்லை. ஆனாலும் சாரு நிவேதிதாவை அவரின் எழுத்தின் மூலமாகவும் உரையாடல் மூலமாகவும் நான் தொடர்ந்து பார்த்துக் கொண்டே வருகிறேன்.

எந்த பாவமும் செய்யாத அவர் மேல் எப்போதும் ஏதாவது பழி விழுந்து கொண்டே இருக்கும். எந்த காரணமும் இல்லாமல் அவரை யாராவது துவேஷித்துக் கொண்டே இருப்பார்கள்.அவருடைய கதையின் ஒரு அட்சரம் கூட வாசிக்காமல் அவரை ஆபாச எழுத்தாளர் என்பார்கள்.இன்டெர்னெட்டைப் பயன் படுத்தி இவரைக் காட்டிலும் அதிகப் பணம் வசூலித்தவர்கள் இவரை இன்டெர்னெட் பிச்சைக்காரன் என்பார்கள். எழுத்துக்கு இவரளவு நேர்மையில்லாதவர்கள் இவரை பொதுவாகவே நேர்மையில்லாதவர் என்பார்கள். மிஷ்கின் போன்ற தகுதி இல்லாத வழிப்போக்கர்கள் எல்லாம் இவர் மீது சானம் எறிந்து விட்டுப் போவார்கள்

ஆனால் இவர்கள் சொல்கிற எதுவுமே சாரு நிவேதிதா இல்லை என்பதை அவரை கூர்ந்து கவனிக்கிறவர்கள் மட்டுமே அறிய முடியும்.

காரணமில்லாமல் இவர் மீது பழி விழக் காரணம் சாரு தேர்ந்தெடுத்துக் கொண்ட கோட்பாடு.

காமத்தைப் பேசுதல் என்பதே சாருவின் இலக்கியக் கோட்பாடாக இருக்கிறது.சமூகம் காமத்தால் சிக்குண்டு கிடக்கிறது என்று சாரு தீவிரமாக நம்புகிறார்.மனிதன் காமத்தால் அவமானப்படுகிறான். பெண்கள் காமத்தால் கொலைகாரிகளாக மாறுகிறார்கள் என்று அவர் நம்புகிறார். இந்த சிக்கலில் இருந்து மனித குலம் விடுபட வேண்டும் என்பதே சாருவின் எழுத்தில் பேச்சில் பல சமயங்களில் முக்கியமான சரடாக இருந்து வந்திருக்கிறது.

இந்தியா மாதிரியான தேசத்தில் காமத்தைப் பேசுவதற்கு ஒரு சிந்தனையாளனுக்கு எழுத்தாளனுக்கு பெரிய தைரியம் இருக்க வேண்டும். ஏனென்றால் இங்கு பிஜேபிகாரர்கள் மட்டும் கலாச்சாரக் காவலர்கள் அல்ல. கம்யூனிஸ்ட் கட்சியினரும்,பெரியார் உருவாக்கிய திராவிட கலகத்தினருமே கலாச்சாரக் காவலர்கள் தான்.ஒவ்வொரு இந்தியனும் இங்கே கலாச்சாரக் காவலன்தான். இவர்கள் ஆதாரமாக நம்பி வாழும் காம நெறிக்கு(?) எதிரான கருத்தை சாரு பேசுகிறார் என்ற ஒன்றே, துரதிர்ஷ்டவசமாக இவர்கள் அனைவரும் சாருவுக்கு எதிரானவர்களாக அணி திரள்வதற்கு முதல் காரணமாக அமைந்து விட்டது.

மதுரையில் சாரு எழுதிய நாடகம் ஒன்று மேடையேற்றப் பட்டது. அதில் சாருவும் ஒரு பாத்திரத்தில் நடித்தார்.அந்த நாடகம் பாலியலை விவாதிக்கிற நாடகம். ஆனால் அந்த அரங்கில் அன்றைய தினத்தில் பார்வையாளர்களாக இடது சாரி மற்றும் அன்றைய தின சிறு பத்திரிக்கை சிந்தனையாளர்கள் என்கிற பத்தாம் பசலிகள் மேடையேறி சாரு நிவேதிதாவை தாக்கத் துவங்கினார்கள்.ஆனால் அவர்களில் பலர் இன்று அந்தக் காரியத்திற்காக வெட்கப்படுகிறவர்களாகவே இருக்கிறார்கள்.

ஆனால் காலத்தை என்ன செய்ய முடியும்? அவர்கள் உண்டாக்கிய துவேசத் தீ தொடர்ந்து எரிந்து பரவி சாருவின் பல செயல்பாடுகளை எரித்து கருக்கிக் கொண்டே இருக்கிறது.

இரண்டாவதாக சாருவின் ஜீரோ டிகிரி வெளி வந்த நேரம்.அந்தப் புத்தகம் பலரையும் ரத்தக் கொதிப்பிற்கு உள்ளாக்கியது. இன்று சாருவின் நெருங்கிய நட்பு வட்டத்தில் இருக்கிற ஒரு பெண் எழுத்தாளரே, ஒரு மேடையில் நான் அந்த புத்தகங்கள் மொத்தத்தையும் பணம் கொடுத்து வாங்கி தீ வைத்து கொளுத்தத் தயாராக இருக்கிறேன் என்று சூளுரைத்தார்.அந்த இலக்கிய அரங்கம் மொத்தமும் கைத்தட்டி அதை ஆமோதித்தது. ஆனால் ஜீரோ டிகிரி இன்று தமிழ் நாவல்களில் தவிர்க்க முடியாத இடத்தில் இருக்கிறது.

இப்படி யார் யாரோ போகிற போக்கில் சாருவின் வீட்டை நோக்கி ஒரு தீக்குச்சியை கொளுத்திப் போட்டுக் கொண்டே போவார்கள். சாரு மறுபடியும் மறுபடியும் இவர்களிடம் ஏமாந்து செய்வதறியாது நிற்பார்.

சாருவுக்குப் பெரிதாக தந்திரங்கள் கிடையாது. யாரையும் ஏமாற்றி பணம் சம்பாதித்து உயர்ந்த நிலைக்குப் போய் விடுகிற கணக்கு கிடையாது.தான் கொண்டிருக்கிற கொள்கைகளோடும் கோட்பாட்டுகளோடும் இந்த வாழ்க்கையை கௌரவமாக வாழ்ந்து முடித்து விட வேண்டும் என்பதைத் தவிர அவருக்கு வேறு ஆசைகள் இருப்பதாகத் தெரியவில்லை.
ஆனாலும் கெடுக்கிற கரங்கள் அவரை நோக்கி நீண்டு கொண்டே இருக்கின்றன.

எண்பதுகளின் துவக்கத்தில் தமிழகத்தின் இலக்கியத்தை தலைகீழாகப் புரட்டிப் போடுகிற ஆளுமைகளாக சில பேர் இலக்கிய உலகத்திற்குள் நுழைந்தார்கள்.

ஒருவர் கோணங்கி.மேஜிகல் ரியலிஸம் என்கிற மந்திர குச்சியோடு வந்தார். இன்னொருவர்
எஸ். ராமகிருஷ்ணன், தமிழில் நாவல்களே இல்லை, நான் எழுதினால் தான் உண்டு என்ற கோஷத்தோடு வந்தார்.மூன்றாவது சாரு, காமத்தைப் பேசு என்கிற அரசியில் மொழியோடு வந்தார். ஜெயமோகன் இந்திய ஞான மரபை முன் வைத்து வந்தார். தலித் அரசியலை முன் வைத்து ரவிக்குமார் வந்தார்.கவித்துவ தரிசனம், புதிய அழகியல் விதி பேசிக்கொண்டு மனுஷ்யபுத்திரன் வந்தார்.

இவர்கள் ஒவ்வொருவரும் காலத்தின் அலைக்கழிப்பைத் தாங்க முடியாமல் தன்னுடைய கொள்கைகளை மூட்டைக் கட்டி ஒரு ஓரத்தில் வைத்து விட்டு ஏதாவது செய்து லட்சாதிபதியாகிற முயற்ச்சியில் இறங்கினார்கள்.

எஸ். ராமகிருஷ்ணன் வெகுஜன கலாச்சாரத்தின் நாயகனான ரஜினிகாந்தை கடவுள் என்று துதிபாடி, சிறு பத்திரிக்கை இயக்கத்தின் அடையாளங்களில் ஒருவரான குட்டி ரேவதியை கேலிப் பொருளாக்கி பலி கொடுத்து, சினிமாக்கார ர்களின் நம்பிக்கையை பெற்று, சினிமாக்காரர்களுக்கு பல விதமான வேலைகள் செய்து கொடுத்து, இன்று சிலபல பத்து லட்சங்கள் சம்பாதித்தவராக உருவாகிவிட்டார்.அவர் வந்தால் தான் எழுத முடியும் என்றிருந்த தமிழ் நாவல் இன்னும் எழுதப் படாமலே இருக்கிறது.

இவரைப் பார்த்து ஜெயமோகனும் இந்திய ஞானமரபு, அறச்சீற்றம் போன்ற வசனங்களையெல்லாம் இணையதளத்திற்கு மட்டும் என்று வைத்துக் கொண்டு திரைத்துறைக்கு வந்து சேர்ந்தார். அவருடைய கருத்தியல்களோடு உடன்பாடில்லாத திரைத்துறையில் பணியாற்றுகிற போது வேறு தெருவுக்குள் நுழைந்து விட்ட நாய் போல் வாலை இரண்டு கால்களுக்கிடையே வைத்துக் கொண்டு பம்மி நடக்கிறவாராக தன்னை வைத்துக்கொண்டு வசன தொழில் செய்து லட்சம் லட்சமாய் சம்பாதிக்கிறவறாக மாறிக்கொண்டார்.

மனுஷ்யபுத்திரன், சுஜாதா தான் எழுத்துலகின் பீஷ்மர் என அறிவித்து சுஜாதா அவசர போக்கில் எழுதிய மாத நாவல்களுக்கெல்லாம் சிறு பத்திரிக்கையின் தரமான அச்சு மேன்மையை கொடுத்து ஒரு பதிப்பாளராக உயர்ந்து லட்சங்களைப் பார்க்கத் துவங்கி விட்டார்.

ரவிக்குமார் திருமாவளவனின் கரம் பட்டு எம் எல் ஏ, பிரமுகர் என்ற என்ற அந்தஸ்த்தை அடைந்து விட்டார்.

இப்படி ஏதாவது ஒரு சாமர்த்திய காரியம் செய்து பிழைப்பிற்கும் லட்சத்திற்கும் வழி
செய்து கொள்ளாமல் அல்லது செய்யத் தெரியாமல் நின்றவர்கள் இருவர்தான்.

ஒருவர் சாருநிவேதிதா. இன்னொருவர் கோணங்கி.

இதில் கோணங்கியின் நிலை பரவாயில்லை. அவர் எந்தப் பணமும் சம்பாதிக்காவிட்டாலும் அவருடைய குடும்ப சூழல் அவரை கை விட்டு விடாது.ஆனால் சாருவின் நிலை அப்படி இல்லை. எந்த மாதமும் வாழ்க்கை அவரை அகௌரவப் படுத்தி விடும் என்கிற சூழல். அதற்கிடையிலும் தான் கொண்ட கொள்கையில் மாற்றமில்லாமல் தொடர்ந்து அதே வழியில் இயங்கிக் கொண்டே இருக்கிறார்.

ஆனாலும் சாருவை விதியும் வீணர்களும் துரத்தி அடித்துக் கொண்டே இருக்கிறார்கள்.

சாருவின் பிரச்சினையே அவர் யாரையும் எளிதில் நம்பி மோசம் போகிறார் என்பதிலேயே இருக்கிறது.

ஒரு நண்பர் சொன்ன தகவல் இது.

ஒரு 'பிறபழ' எழுத்தாளர் இருக்கிறார். அவர் இலக்கியத்தில் போன சோரத்திற்காக, சாரு அவரை கடுமையாக விமர்சிப்பவராக இருந்தார். சாருவைப் பற்றித்தான் தெரியுமே. அவர் விமர்சனம் செய்ய இறங்கினால் பத்திரகாளியாகி விடுவார். அவருக்குப் பத்துக் கரங்கள் உண்டாகி விடும். சாரு அப்படித்தான் விஸ்வரூபம் கொண்டு அந்த எழுத்தாளரை விமர்சித்துக் கொண்டிருந்திருக்கிறார். அந்த விமர்சனத்தைத் தாங்க முடியாமல் அவர் வாயை எப்படி மூடுவது என்று யோசித்து, மிகத் தந்திரமாக ஒரு மேடையில் சாருவை தூக்குத் தூக்கென்று தூக்கி , புகழ் புகழ் என்று புகழ்ந்து தள்ளியிருக்கிறார்.அப்பாவி சாரு அந்த புகழுரைகளை அப்படியே நம்பி மறு நாளிலிருந்து அந்த எழுத்தாளரின் சம்பள மில்லாத அடியாளாக மாறி, இன்று யார் அந்த எழுத்தாளரை ஒரு வார்த்தை சொன்னாலும் பாய்ந்து சென்றுத் தாக்குகிறவராக தன்னை ஒப்புக் கொடுத்து விட்டார். சாருவின் இந்த செயல் பாட்டை, இன்றும், குறும்பு கலந்த கண் சிமிட்டலுடன் வேடிக்கைப் பார்க்கிறவராக அந்த பிறபழ எழுத்தாளர் இருக்கிறாராம்.

குணக்கேட்டை வாழ்க்கை முறையாகக் கொண்டிருக்கிற நபர்களின் எளிய நடிப்பில்
ஏமாந்து போகிற சிறு குழந்தையாகவே இன்னும் சாரு நிவேதிதா இருக்கிறார் என்பதற்கு
இதுதான் உதாரணம்.

இப்படித்தான் அவரை இன்டெர்நெட் பிச்சைக்காரன் என்று சொல்லி கேவலப்படித்திய சம்பவமும் ஒரு துவேஷமாக நிகழ்ந்தது.

சாரு இருபது வருடங்கள் தீவிரமாக எழுத்தை மட்டுமே தன் வாழ்க்கை முறையாக கொண்டு செயல்படுபவர் என்பது எவ்வளவு உண்மையோ அவ்வளவு உண்மை அவர் இந்த எழுத்தினால் எதுவும் சம்பாதித்து விடவும் இல்லை என்பதும்.

அதனாலேயே அவர் பணத்திற்காக மிகக் கேவலமான நெருக்கடிகளை சந்திக்க வேண்டியிருக்கிறது. அந்த நெருக்கடிகளின் அடிப்படையில் அவர் அவருடைய இணைய வாசகர்களிடம் சில சமயம் பணம் கேட்டு கோரிக்கை வைக்கிறார். அதில் அவருக்கு சில பல ஆயிரங்கள் வந்து சேர்ந்திருக்கிறது என்பது உண்மைதான்.

ஆனால் அவரை விட இன்டெர்னெட்டில் சில பல லட்சங்களை சம்பாதித்த அமுங்குனிச் சாமியார்கள் எல்லாம் பல பேர் இருக்கிறார்கள்.

ஆனால் அவர்களை எல்லாம் விட்டு விட்டு ஞானி சாரு நிவேதிதாவை இன்டெர்னெட் பிச்சைக்காரன் என்று பெயர் சூட்டினார். அதன் பின் ஞானி 'நான் அமெரிக்கா வரத்தயாராக இருக்கிறேன். பிரான்ஸ் வரத் தயாராக இருக்கிறேன்' என்றெல்லாம் கோரிக்கை அனுப்பி வாசகர்கள் செலவில் உல்லாசப் பயணம் போனார்.

ஆனால் அவரை இன்டெர்நெட் கொள்ளைக்காரன் என்றோ வழிப்பறி என்றோ சாரு எங்கேயும் சொல்ல வில்லை.

அது மட்டும் இல்லாமல் ஞானி ஒரு புத்தக வெளியீட்டில் சாருவை ஆதவனுக்கு சமமான எழுத்தாளர் என்று பாராட்ட இருந்தார் என்ற ஒரு தகவலிலேயே சாரு குளிர்ந்து போனார்.

இந்த பெருந்தன்மைதான் சாரு. மற்ற சிறுதன்மை தான் மற்றவர்கள்.

இது போல் சாரு குறித்து உலாவும் துவேஷங்கள் ஒவ்வொன்றிலும் வேறு உண்மை இருக்கிறது. அந்த உண்மை அறியாதவர்களே சாருவை களங்கம் செய்து கொண்டே இருக்கிறார்கள்.இந்த துவேஷங்கள் சாருவுக்கு வாழ்க்கை நெருக்கடியை உண்டாக்கிக் கொண்டே இருக்கிறது.

அன்புள்ள சாரு, நான் உங்களைக் கேட்டுக்கொள்வதெல்லாம் இரண்டு விஷயங்கள் தான்.

பணம் தான் இங்கு எல்லா விஷயத்தையும் தீர்மானிக்கிறது.ஒரு தொலைபேசி அழைப்பு உங்களை பதட்டத்திற்கு உள்ளாக்கி உடனடியாக ஆட்டோ பிடித்து ஓட வைக்கிறது. உங்களை சில பேர் இன்று அலட்சியமாக பேசி விடுவதெல்லாம் கூட உங்களின் பணமற்ற நிலையினால் தான் ஏற்பட்டு விடுகிறது.

ஏதாவது ஒன்று செய்து பணத்தை உருவாக்கிக் கொள்ளுங்கள்.

காட்டாற்று வெள்ளம் போன்றது உங்கள் எழுத்து. எழுத்தாளர் சுஜாதாவும் எழுத்தாளர் பாலகுமாரனும் அமர்ந்திருந்த சிம்மாசனங்கள் இன்னும் வெகுஜன பத்திரிக்கைகளில் காலியாகவே கிடக்கிறது. நீங்கள் வெகுஜன பத்திரிக்கைகளில் நாவல்கள் தொடர்கதைகள் எழுதத் துவங்கினால் அந்த சிம்மாசனம் அடுத்து உங்களுக்கே. அதன் பின் உங்களை ஏளனமாய் பேசுகிறவர்கள் எல்லாம் யானையை எதிர்கொண்ட பன்றிக் கூட்டமாக சிதறி ஓடி விடுவார்கள்.

இரண்டாவதாக இந்த மிஷ்கின் போன்ற கதைக் களவானிகளை எப்பொழுதும் உயர்வான நபர்களாகக் கருதாதீர்கள்.

இங்கே சிறந்த படங்கள் எடுக்கிற யாரும் சிறந்தவர்கள் இல்லை.

மோசமான படங்கள் எப்படி இவர்களின் அறியாமையினால் நிகழ்கிறதோ, அதைப்போலவே நல்ல படங்களும் இவர்களின் அறியாமையிலிருந்தே உருவாகிறது என்பதை தமிழ் சினிமாவைத் தொடர்ந்து கவனித்து வந்தால் ஒருவர் உணரலாம்.

உங்களை ரெமி மார்டினுக்கு அலைகிறவர் என்றும், உங்கள் எழுத்து சரோஜாதேவி எழுத்து என்றும் அபத்தமாக புரிந்து வைத்திருப்பதைப் போலத்தான் மிஷ்கின், வாழ்க்கையை இலக்கியத்தை, சினிமாவை, மனித உறவுகளை, நட்பை, காதலை, கணவன் மனைவி உறவை என, எல்லாவற்றையும் அபத்தமாகப் புரிந்து வைத்திருக்கிறார். ஆனால் தான் இந்தியாவிலேயே சிறந்த இயக்குனர் என்ற எண்ணத்திலும் இருக்கிறார்.

வாசிப்பு, கலை ஆளுமை இவற்றை கணக்கில் எடுத்துக் கொண்டால் இவர் உங்களின் கால் தூசுக்குப் பெற மாட்டார்.

இவர்களின் நட்பை ஒரு போதும் தலையில் ஏற்றிக் கொள்ளாதீர்கள்!

மிக்க அன்புடன்
யோகராஜ்

Monday, December 13, 2010

பதிவர்களை திரையுலகம் விழுங்கப் பார்க்கிறது!

(இவை ஏற்கனவே பதிவு செய்யப்பட்ட கேள்விகளுடன் மேலும் சில கேள்வி பதில்கள் சேர்க்கப் பட்ட பதிவு. இந்தக் கேள்வி பதில்களை ஏற்கனவே வாசித்திருப்பவர்கள் கடைசியில் சேர்க்கப் பட்டிருக்கும் புதிய கேள்வி பதில்களுக்குச் செல்லவும். வாசிக்காதவர்கள் துவக்கத்திலிருந்து வாசிக்கலாம்)

நந்தலாலா - அயோக்கியம் மிஷ்கின்

உலக சினிமாவிற்கும் திருட்டுத் தனத்திற்கும் அப்படி என்ன தான் நமக்கு எட்டாத படி ரகசிய உறவோ.. உலக சினிமா பார்ப்பவர்கள் பெரும்பாலும் திருடர்களாகவே இருக்கிறார்கள் . அதுவும் வெற்றிக்கான வெறி புழுத்து வழியும் இந்தியா மாதிரி தேசங்களில் இந்த திருடர்களின் எண்ணிக்கை சற்று அதிகமாகவே இருக்கிறது.

இந்த வரிசையில் நாம் புதிதாக மிஷ்கினை சேர்க்க வேண்டும்.

வாழும் சினிமா மேதையான டிக்கேசி கிட்டனோவின் கிகிஜிரோ தமிழாக்கம் செய்யப்பட்டு நந்தலாலா என்ற பெயரில் ஓடிக்கொண்டிருக்கிறது. டிக்கேசி கிட்டனோவை இருட்டடிப்பு செய்து விட்டு மிஷ்கின் அந்தப் படத்திற்கான புகழ் மாலைகளை முன் நின்று வாங்கிக் கொண்டிருக்கிறார். இதைத் தாண்டி ஒரு சினிமா மேதையை யாரும் அவமதிக்க முடியாது.
மிஷ்கினின் இந்தக் காரியம் தமிழ் சிந்தனையாளர்களிடம் பல்வேறு கேள்விகளை உண்டாக்கியிருக்கிறது.

எனவே கேள்வி பதிலாகவே நான் என் பதிவை பதிவு செய்கிறேன்.

நந்தலாலா தமிழில் ஒரு உலக சினிமா என்று சொல்கிறார்களே?

ஒரு உலக சினிமாவின் கதையை திருடி எடுத்து, அந்தப் படத்தின் ஒவ்வொரு காட்சியையும் அதைப் போல இன்னொரு காட்சியால் மாற்றி அமைத்து ,ஒவ்வொரு ஷாட்டையும் டேப் வைத்து அளந்து, அடிக்கு அடி படமெடுத்தால் அது தமிழில் உலக சினிமா போலத்தான் இருக்கும்.

அப்படி ஒரு கதையை திருடி படம் எடுத்தால் என்ன தவறு? இதை ஏன் யாரும் பொருட்படுத்த வேண்டும்?

கதையை திருடுவதற்குப் பின்னால் பல அழுக்குகள் அசிங்கங்கள் இருக்கின்றன. அவைகள் என்னெவென்று பார்க்கலாம்.

1.கிகிஜிரோ அழகான கதை தான். ஆனால் அதே நேரத்தில் யாராலும் உருவாக்க முடியாத கதை கிடையாது.இங்கிருக்கிற எழுத்தாளர்களை வைத்தோ அல்லது உதவி இயக்குனர்களை வைத்தோ இதே போல் தாக்கம் உண்டாக்கும் ஒரு கதை வேண்டும் என்று சொல்லி அதற்கு சில லட்சங்களை செலவளித்தால் கிகிஜிரோவைக் காட்டிலும் அழகான கதையை உண்டாக்க முடியும்.ஆனால் இங்கிருக்கிற சில இயக்குனர்களுக்கு , குடிக்கு சில லட்சங்களை செலவளிக்க முடியும். கூத்தியாள்களுக்கு சில லட்சங்களை செலவளிக்க முடியும். ஆனால் கதை என்கிற வஸ்த்துக்கு மட்டும் நயா பைசை செலவளிக்க முடியாது. கதை ஓசியில் கிடைக்க வேண்டும்.அல்லது உதவி இயக்குனர் அசந்த நேரம் பார்த்து உதவி இயக்குனரின் கதையை எடுத்துக் கொள்ள வேண்டும். அல்லது திருட்டு சிடிக்கள் பார்த்து ஏதாவது ஒரு படத்தின் கதையை அல்லது சில படங்களின் கதையை ஒன்று சேர்த்து ஓசியிலேயே கதையை உருவாக்கி விட வேண்டும். ஆனால் தயாரிப்பாளரிடம் கதை என்னுடையது என்று சொல்லி சில பத்து லட்சங்களை வாங்கி பாக்கெட்டில் போட்டுக் கொள்ள வேண்டும். சினிமாவில் சில இயக்குனர்களிடம் ஆண்டாண்டு காலமாக இருக்கும் இந்த புத்தியே மிஷ்கினையும் திருட வைத்திருக்கிறது.

2.சினிமாவில் ஒரு இயக்குனரிடம் கதை இல்லாத போது ஒரு இடைவெளி உண்டாகும் . அதன் வழியாகவே இன்னொரு புதிய இயக்குனர் ஒரு புதிய கதையுடன் உள்ளே நுழைய முடியும். இது தான் சினிமாவின் சுழற்ச்சி. இப்படி உண்டான இடைவெளியில் தான் சென்ற வருடங்களில் சுப்பிரமணியபுரம் சசி, பசங்க பாண்டியராஜன், வெண்ணிலா கபடி குழு சுசீந்திரன் போன்ற உண்மையும் நேர்மையும் கொண்ட புதிய இயக்குனர்கள் திரையுலகிற்கு வந்தார்கள். இப்படி உலக சினிமாவின் கதைகளைத் திருடி ஒருவர் படம் செய்து கொள்ளமுடியும் என்றால் எல்லா இயக்குனர்களும் ஆளுக்கொரு கதையை திருடி தொடர்ந்து படம் செய்து கொண்டே இருப்பார்கள். புதியவர்களுக்கும் நேர்மையானவர்களுக்கும் இடம் இல்லாமல் போய் ஒரு கட்டத்தில் திருட்டு தடியர்கள் மட்டுமே திரையுலகில் இருப்பார்கள்.

3.இயக்குனர் வசந்த பாலன் வெயில் அங்காடித்தெரு போன்ற இரு படங்களின் வெற்றியைத் தொடர்ந்து தனது மூன்றாவது படத்திற்கு சு.வெங்கடேசனின் காவல் கோட்டம் நாவலை உரிமை வாங்கி படமாக்கிக் கொண்டிருக்கிறார். அவர் ஒரு நல்ல உதாரணம். கதை இல்லாத இயக்குனர்கள் தமிழின் மேன்மையான படைப்புகளை படமாக்க முயற்ச்சி செய்ய வேண்டும் . அப்படி செய்தால் எழுத்தாளர்கள் பிச்சை எடுக்க வேண்டியிருக்காது(சாரு நிவேதிதா கவனிக்க). அது மட்டுமல்லாமல் உலகின் தலைசிறந்த படங்களில் தமிழ் எழுத்தாளர்களின் படைப்புகளும் இடம் பெறும்.

4.கிகிஜிரோவைக் காட்டிலும் மேலான கதைகள் வைத்திருக்கும் , மிஷ்கினைக் காட்டிலும் திறமை மிக்க புதிய இயக்குனர்கள் சினிமா வாய்ப்புகளுக்காக அழைந்து கொண்டிருக்கிறார்கள். சரியான வாய்ப்பு கிடைக்காமல் அவர்களுடைய வாழ்க்கையை வறுமை தின்று கொண்டிருக்கிறது. அவர்கள் துர்மரணங்களை சந்திக்கிறார்கள். மிஷ்கினின் இந்தக் காரியம் அந்த துர்மரணங்களின் எண்ணிக்கையை அதிகரிக்கும்.

இது போல் நூறு காரணங்கள் சொல்ல முடியும்.


கிகிஜிரோவை தமிழ் பார்வையாளர்கள் பார்க்கப் போவதில்லை. கிகிஜிரோவையும் அதன் இயக்குனர் டிக்கேஷி கிட்டனோவையும் மிஷ்கின் தமிழில் அறிமுகப் படுத்தியிருக்கிறார். இதை ஒரு கலை சேவையாக ஏன் கருதக்கூடாது?


இதை கலைச்சேவையாக கருத முடியாது. அதற்கு பல காரணங்கள் இருக்கின்றன.

1.இன்றைய தினத்தில் மிஷ்கின் அருவருக்கும் இரண்டு வார்த்தைகள் கிகிஜிரோ என்பதும் டிக்கேஷி கிட்டனோ என்பதும் ஆகும். இதனை நேர்காணல்களில் அவர் இந்தக் கேள்வியை சந்திக்கும் போது அவருடைய முகத்தைப் பார்த்து புரிந்து கொள்ள முடியும்.அவர் நேர்காணலில் கற்பிக்க முயற்சிப்பதெல்லாம் மூலப்படம் இவ்வளவு சிறப்பான படமில்லை, நான் எனது அறிவினாலேயே இதை சிறப்பாக்கியிருக்கிறேன் என்பதைத்தான். இது டிக்கேஷி கிட்டனோவிற்கு செய்கிற அவமரியாதையே.

2.இதைப் போல உலக சினிமாவின் கதையை திருடுகிறவர்கள் மூலப் படத்தில் இருக்கிற மேன்மையான விஷயங்களை கொன்றொழிக்கிறார்கள்.தமிழ் சூழலுக்கு ஏற்றார்போல் மாற்றுகிறேன் என்று சொல்லி அதன் ஆன்மாவை சிதைக்கிறார்கள்.திருடியது தெரியாமலிருப்பதற்காக அதன் தோற்றத்தை மூழியாக்குகிறார்கள். இறுதியாக இவர்களின் சிந்தனையில் இருக்கிற கீழ்மைகளை அதனுள் ஏற்றுகிறார்கள். (உதாரணத்திற்கு மகனை விட்டுச் சென்ற தாய் இழிவானவள், விபச்சாரம் செய்கிற பெண் அழுக்கானவள்)ஆக மொத்த த்தில் மூல படத்தில் இருக்கிற கமர்ஷியல் அயிட்டங்களை மட்டும் சுருட்டி எடுத்து ஒரு படம் உண்டாக்குகிறார்கள்.

3.இது லட்சம் லட்சமான சம்பளத்திற்காகவும் , புகழ் மாலைகளுக்காகவும் செய்யப்பட்ட காரியம்.

4.தமிழ் நாட்டில் யாரும் அந்தப் படத்தையெல்லாம் பார்த்து விட மாட்டார்கள் , அப்படியே ஒன்றிரண்டு பேர் பார்த்தாலும் அவர்களையெல்லம் சரிக்கட்டி விடலாம் என்ற எண்ணத்திலேயே இந்த திருட்டு முயற்ச்சி மேற்கொள்ளப்பட்டது . இதில் கலைச் சேவை எங்கிருந்து வருகிறது.

எழுத்தாளர்களாகிய பிரபஞ்சன், மனுஷ்யபுத்திரன், சாருநிவேதிதா, ஷாஜி இவர்களெல்லாம் இந்தப் படத்தையும் இந்த இயக்குனரையும் வானளாவப் புகழ்கிறார்களே?


இந்த சமூகத்தின் எல்லா விதமான இழிவுகளோடும் , அழுக்கோடும் , கசடுகளோடும் இந்த எழுத்தாளர்கள் சமரசம் செய்து கொண்டு சில பல வருடங்கள் ஆகி விட்டது.எப்படியாவது சினிமா என்கிற பணக்கப்பலில் ஒரு இடத்தைப் பிடித்து சில லட்சங்களை அள்ளி விடுவது அவர்களுடைய லட்சியம். அதனால் இவர்கள் மிஷ்கினை வானளாவப் புகழ்வதில் ஆச்சர்யப் படத்தேவையில்லை.

நானும் இதைப்போல ஒரு உலக சினிமாவை காப்பி எடுத்து படம் எடுத்தால் இந்த எழுத்தாளர்கள் என்னையும் வானளாவப் புகழ்வார்களா? இதற்கு நான் எந்த எழுத்தாளருக்கு என்ன செய்ய வேண்டும்?

ஜெயமோகன் , எஸ்.ராமகிருஷ்ணனுக்கு வசனம் எழுதும் வாய்ப்பு. மனுஷ்ய புத்திரனுக்கு வசனம் எழுதும் வாய்ப்பு அல்லது பாடல் எழுதும் வாய்ப்பு மற்றும் திரைக்கதை புத்தகத்தை உயிர்மையில் வெளியிடும் அனுமதி, சாருநிவேதிதாவுக்கு அவ்வப்பொழுது ஐயாயிரம் பத்தாயிரம் ஏதாவது ஒரு காட்சியில் தலை காட்ட வாய்ப்பு.பிரபஞ்சனுக்கு கொஞ்சம் தேநீர் கொஞ்சம் நட்பு.

நான் இவைகளைச் செய்தால் அவர்கள் என்னென்ன பதில் சேவைகளை நமக்கு செய்வார்கள்?


நீங்கள் தமிழில் ஒரு அட்சரம் கூட வாசித்திருக்க வேண்டியதில்லை. இவர்கள் முதல் கட்டமாக தமிழ் சினிமாவில் இலக்கிய ஞானம் உள்ள இயக்குனர் என்ற பட்டத்தை தருவார்கள். இரண்டாவதாக நீங்கள் அழைக்கும் போதெல்லாம் வந்து, மிகவும் அரிதான சிறு பத்திரிக்கை வார்த்தைகளில் உங்களை மேதை, ஞானி என்றெல்லாம் புகழ்வார்கள். கதையைத் திருடியது பற்றி உங்களுக்கு ஏதேனும் குற்ற உணர்வு இருந்தால் அதை மனோத த்துவ ரீதியாக, ஆன்மீக ரீதியாக , இலக்கிய ரீதியாக தொடர்ந்து உரையாடி சரி செய்வார்கள். படம் வெளியாகும் சமயம் இவர்களுடை இணைய தளங்களில் உங்கள் படத்தை தமிழின் முதல் சினிமா , உலக சினிமா என்றெல்லாம் புகழ்ந்து எழுதுவார்கள். அவர்கள் எழுதிக்கொண்டிருக்கிற பத்திரிக்கைகளில் உங்கள் படத்தை பற்றி எழுதி மார்க்கெட் செய்வார்கள். டிவி ஷோக்களில் பங்கெடுத்து உங்களுக்கே கூசும் அளவுக்கு உங்களைப் புகழ்வார்கள்.

முட்டாளாக அமர்ந்து கொண்டு எதிரில் தமிழின் தலை சிறந்த எழுத்தாளர்களை அமர வைத்து அவர்கள் புகழ்வதை கேட்டுக் கொண்டிருப்பது இருக்கிறதே ..அந்த சுகமே தனி.

எழுத்தாளர்களின் இந்த மாதிரியான காரியங்களுக்கு முன்னோடி எழுத்தாளர் யார்?

எஸ்ரா என்று பலரும் சொல்கிறார்கள்.

வசனம் எழுதும் வேலைக்கு நம் சிறு பத்திரிக்கை எழுத்தாளர்கள் இவ்வளவு தவியாய் தவிப்பதேன்?

முதல் காரணம் அது உழைப்பற்ற ஊதியம்.ஒரு படத்தின் பெரும்பான்மையான வசனங்களை உதவி இயக்குனர் மற்றும் இயக்குனரே எழுதி விடுவார்கள். ஒரு எழுத்தாளர் டிஸ்கஸ்ஸனில் பங்கெடுத்து அந்த பிராஜக்டுக்கு சம்பந்தம் இல்லாத விஷயங்களை வாய் ஓயாமல் பேசிக்கொண்டிருக்கலாம்¢. அந்த இயக்குனரை அவ்வப்பொழுது கீஸ்லாவ்ஸ்கி , டிக்கஸி கிட்டனோ இவர்களுடன் ஓப்பிட்டுப் பேசிக்கொண்டிருந்தால் போதும். பிராஜக்டுக்கு பத்து லட்சம் வரை சம்பளம் கிடைக்கும். இப்படி ஒரு பணம் கிடைக்கும் போது ஒருவர் என்ன காரியத்திற்கும் தயாராவது இந்த உலகில் சகஜம் தானே.

தமிழ் சிறுபத்திரிக்கை எழுத்தாளர்கள் இப்படி சில்லரை வேலை செய்து தான் சினிமாவில் இடம் பெற முடியுமா? வேறு வழியே இல்லையா?

இருக்கிறது.இவர்கள்¢ மலையாளத்தில் எம்.டி.வாசுதேவன் செய்வதைப் போல ஒரு சினிமாவிற்கான முழுநீள கதையை உருவாக்கி அதற்கு திரைக்கதை வசனம் எழுதி பணம் சம்பாதிக்கலாம். ஆனால் இவர்களால் மக்கள் விரும்பும் ¢ கதையை ஒரு போதும் சிந்திக்க முடியாது. அதனால் இப்படி ஏதேனும் உப வேலை செய்தே பணம் சம்பாதிக்க சபிக்கப் பட்டவர்களாகி விட்டார்கள்.

பிளாக்கர்கள் நிறைய பேர் படத்தை புகழ்ந்து எழுதியிருக்கிறார்களே?

இன்று சமூகத்தில் நேர்மை ஓரளவேனும் குடிகொண்டிருக்கும் இடங்களில் பிளாக்கும் ஒன்று. பிளாக்கர்களில் இந்தப் படத்தை புகழ்கிறவர்களை மூன்று பிரிவாகப் பிரிக்கலாம். முதல் பிரிவினர் மூலப் படத்தை பார்க்காவதவர்கள். ஆகையானலேயே இந்தப் படம் கொடுக்கிற ஆச்சர்யத்தில் இது எந்தப் படத்தில் இருந்து எடுக்கப் பட்டிருந்தால் என்ன எனக்கு இது சந்தோஷம் தருகிறது என்ற எண்ணத்தில் எழுதுகிறார்கள். இரண்டாவது பிரிவினர் திருடுவதுதான் இன்று எல்லோரும் செய்கிற காரியமாக ஆகி விட்டதே பின் ஏன் இன்னமும் நாம் அதைப் பொருட்படுத்திக் கொண்டிருக்க வேண்டும். அடுத்த வேலையைப் பார்ப்போம் என்ற முடிவிற்கு வந்தவர்கள். மூன்றாவது பிரிவினர் அது திருடப்பட்டது என்ற தகவலே தெரியாதவர்கள்.

இடதுசாரி எழுத்தாளர் பவா செல்லத்துரை கூட இந்தப் படத்தை வானளாவப் புகழ்ந்தாரே?

இடது சாரிகளிடம் இருந்தும் நேர்மை போய் விட்டது என்பதற்கான அடையாளம் தான் அது.அவர்கள் அவ்வப்போது நடத்துகிற கலை விழாவிற்கு சினிமா பிரபலங்கள் தேவைப் படுகிறார்கள். நேர்மை கீர்மை என்றெல்லாம் ஸ்ட்ரிக்டாக இருந்தால் அப்புறம் விழா நடத்த முடியாது. அதனாலேயே அவர்கள் கொஞ்சம் ஈவு சோவாக நடந்து கொள்ள முடிவு செய்திருக்கலாம்.

உதவி இயக்குனர்கள் நிறைய படிக்க வேண்டும் என்று மிஷ்கின் மீண்டும் மீண்டும் வலியுறுத்தகிறாரே.. பின்னணி என்னவாக இருக்கும்?

இரண்டு பின்னணிகளை நான் யூகிக்கிறேன்.

1. அவர்கள் புத்தகம் வாசிக்காமல் டிவிடி பார்த்துக் கொண்டிருப்பதால் தான் இவர் எடுக்கிற படங்கள் எல்லாம் எந்தப் படத்தின் மூலம் என்பதை கண்டு பிடித்து விடுகிறார்கள். அதைத் தவிர்ப்பதற்காக இருக்கலாம்.

2. இயக்கனர் ஆவதற்கு புத்தகம் வாசிக்க வேண்டும் என்ற எண்ணத்தை ஏற்படுத்தி விட்டால் சினிமாவில் சாதிக்கலாம் என்று வருகிறவர்கள் தடி தடி புத்தகங்களைப் பார்த்து விட்டு இயக்குனராவது இவ்வளவு கடினமான காரியமா என்று யோசித்து வராமலே போக க் கூடும். இதன் மூலம் போட்டியாளர்களைத் தவிர்க்கலாம்.

நந்தலாலா ; அயோக்கியம்-மிஷ்கின் என்று தலைப்பு போட்டிருக்கிறீர்களே! அது என்ன அயோக்கியம்?

உலக சினிமாவின் கதையை அயோக்கியத் தனமாய் திருடி இயக்குபவர்கள் இனிமேல் வெறும் இயக்கம் என்று போடாமல் அயோக்கியம் என்று போட்டால் படம் பார்ப்பவர்கள் புரிந்து கொள்ள வசதியாக இருக்கும். இல்லையென்றால் பசங்க பட இயக்குனர் பாண்டியராஜன், வெண்ணிலா கபடி குழு சுசிந்திரன் போன்ற நேர்மையானவர்கள் வரியையிலேயே மிஷ்கினும் இடம் பெறும் ஆபத்து இருக்கிறது.அப்புறம் நல்லவர்களுக்கான எல்லா மரியாதையும் மிஷ்கினுக்கும் கிடைக்கும்

இப்படி செய்வதை தவறு என்று உணர்ந்து மிஷ்கினோ அல்லது அவருடன் இருக்கும் எழுத்தாளர்களோ தங்களை மாற்றிக் கொள்வதற்கு வாய்ப்பிருக்கிறதா?

மிஷ்கின் மாற மாட்டார். அவர் இதில் ருஷி கண்டு விட்டார். அவருடை முந்தைய படத்திற்கும் மூலப் படமாக ஒன்றைச் சொல்கிறார்கள். அவர் இப்பொழுது இயக்கி முடித்திருக்கும் யுத்தம் செய்க்கும் மூலப்படமாக ஒரு படத்தை சொல்லியிருக்கிறார்கள். அவர் கமலுக்கு இரண்டு மூன்று கதைகள் சொன்ன போது கூட , கமல் நீங்களே யோசித்து உருவாக்கும் கதை இருந்தால் சொல்லுங்கள், டிவிடி கதைகள் வேண்டாம் என்று சொல்லி அனுப்பியதாக பத்திரிக்கை கிசு கிசுக்களில் செய்தி வந்தது. எனவே பார்வையாளர்கள் கடுமையாக எதிர்ப்பு தெரிவிக்காத வரை மிஷ்கின் மாறிக்கொள்ள வாய்ப்பில்லை.

எழுத்தாளர்கள் மாற்றிக் கொள்ள மாட்டார்கள்.

இங்கு யாருக்கும் வெட்கம் இல்லை.

ஆனந்த விகடனில் நந்தலாலா படத்திற்கு 45 மதிப்பெண்கள் கொடுத்திருக்கிறார்களே?

நான் படித்த பள்ளியில் ஒரு மாணவன் இன்னொரு மாணவனைப் பார்த்து எழுதி , அவன் கண்டுபிடிக்கப் பட்டால், ஆசிரியர் பேப்பரின் எல்லா பக்கங்களையும் அடித்து விட்டு malpractice என்று எழுதி முட்டை போட்டு விடுவார்கள்.அதன்பின் அந்த மாணவன் யாரையும் பார்த்து எழுதுவே மாட்டான்.

ஆபாசமாக இருந்தது என்பதற்காக பாய்ஸ் படத்திற்கு ச்சீ என்று விமர்சனம் எழுதி சினிமா படைப்பாளிகளுக்கு எச்சரிக்கை வழங்கியது ஆனந்த விகடன்.

அப்படி ஒரு முறையேனும் ஒரு படத்திற்கு malpractice என்று போட்டு பூச்சியம் போடுவதை ஆனந்த விகடன் செய்தால் இந்தக் கதைத் திருடர்களிடம் இருந்து சினிமா தப்பிக்கும்.

நந்தலாலவிற்கே malpractice என்று போட்டு பூச்சியம் மார்க் கொடுத்திருக்க வேண்டும் என்று தான் நான் விரும்புகிறேன்.

'சினிமாவிற்கு போன சிற்றிதழ் ஆட்கள்' உலக சினிமா திருட்டிற்கு என்ன ரியாகட் பண்ணுகிறார்கள்?

ஒரு 'பிறபழ' சிற்றிதழ் எழுத்தாளர் இருக்கிறார்.அவர் உலக சினிமாவின் அத்தாரிட்டி.

என் நண்பன் ஒருவன் உதவி இயக்குனன்.

அவன் அடிக்கடி அந்த எழுத்தாளரைப் பார்க்கப் போவான். போகும் போதெல்லாம் ' இந்தப் படத்தை அப்படியே தமிழில் எடுக்கலாம் ' 'இந்தப் படத்தை அப்படியே தமிழில் எடுக்கலாம் 'என்று ஏதாவது ஒரு டிவிடியை எடுத்துக் காட்டுவாராம்.

அவருடைய ரகசிய அறையில் டிவிடியை மூன்று பிரிவாகப் பிரித்து வைத்திருப்பாராம். ஒன்று கதை திருடுவதற்கு எடுத்துக் கொடுத்து வசனம் எழுதும் வாய்ப்பைப் பெற்றுக் கொள்வதற்கான படங்கள்.இரண்டு தான் இயக்குனராகும் போது எடுத்துப் பயன் படுத்திக் கொள்வதற்கான படங்கள். மூன்று நாவலாகத் தழுவி எழுதிக் கொள்வதற்கான படங்கள்.

அவன் அந்தப் பிரிவைப் பார்த்து அதிர்ச்சியில் உறைந்து போயிருக்கிறான்.

ஆக சினிமாவிற்குப் போன சிற்றிதழ் ஆட்களில் சிலர் முதல் காரியமாக செய்வது உலக சினிமாவைக் காட்டிக் கொடுப்பது என்பதாகும். இரண்டாவதாக அந்த இயக்குனர் அந்தக் கதையை கற்பழிக்கும் விதமாக கூட்டிக் கொடுப்பது என்பதாகும். மூன்றாவதாக அதற்கு ஒரு சன்மானம் பெற்று பெருமிதமான வாழ்வு வாழ்வது என்பதாகும்.

சமீபத்தில் அந்த எழுத்தாளர் உலக சினிமா பற்றி எழுதிய ஒரு புத்தகத்தை புத்தகக் கடையில் பார்த்தேன். வசன வாய்ப்பிற்காக செய்து வைக்கப் பட்ட ஒரு பெரிய பிச்சைப் பாத்திரம் போல் இருந்தது அந்தப் புத்தகம்.

இயக்குனர் சேரன் மக்களை வாசிப்பவர், கதைகளை மக்களின் வாழ்க்கையிலிருந்து உருவாக்குபவர், ஆனால் அவரே மிஷ்கின் தமிழர்கள் கொண்டாட வேண்டிய இயக்குனர் என்கிறாரே! ஒருவேளை கதை திருட்டிற்கு அவரும் உடந்தையோ?

ஊர் பக்கம் செய்முறை அல்லது மொய் என்று ஒரு வழக்கம் இருக்கும். உங்கள் வீட்டு விஷேசத்திற்கு நான் வந்து 1001 மொய் செய்வேன்.நீங்கள் என் வீட்டின் விஷேசத்திற்கு வந்து 2001 மொய் செய்ய வேண்டும். அது போல ஒரு வழக்கம் இப்பொழுது சினிமாவிலும் உண்டாகியிருக்கிறது. சேரன் அவர்கள் படத்திற்கு போய் கும்மி அடிப்பார். அவர்கள் சேரன் படத்திற்கு வந்து கும்மி அடிப்பார்கள்.

இன்னொன்று சேரன் மக்களின் வாழ்க்கையிலிருந்து கதை உருவாக்குபவர் என்பதெல்லாம் தவமாய் தவமிருந்து க்கு முன்..அவருடைய வீட்டையும் அவருடைய சிந்தனையையும் இப்பொழுது திருட்டு டிவிடிக்கள் முற்றுகையிட ஆரம்பித்து விட்டன..அதனுடைய எச்சங்கள் தான் மாயக்கண்ணாடியும்.. பொக்கிஷமும்.

இப்பொழுதெல்லாம் பதிவர்கள் ப்ரி வியூ ஷோக்களுக்கு அழைக்கப் படுகிறார்கள்,சினிமாவைப் பற்றி பேச டிவி நிகழ்ச்சிகளுக்கு அழைக்கப் படுகிறார்கள்..இவையெல்லாம் எதைக் காட்டுகிறது?

பதிவர்கள் ஒரு நேர்மையான சமூகமாக அறியப்பட்டு வருகிறார்கள்.

ஊழல் அரசியல் வாதிகளிலிருருந்து ,போலிச் சாமியார்கள், பொய் இலக்கிய வாதிகள், பத்திரிக்கையாளர்கள், என சகலரும் இன்று பதிவர்களைப் பார்த்துக் கொண்டிருக்கிறார்கள்.

பார்த்துக் கொண்டிருக்கிறார்கள் என்பதை விட பார்த்து அஞ்சிக் கொண்டிருக்கிறார்கள் என்பதே உண்மை.

யாருக்கும் அஞ்சாமல், யாருடைய அரசியலுக்கும் ஆட்படாமல் மனதில் பட்டதை உடனுக்குடன் எழுதி வரும் அவர்களுடைய பணி பலருக்கு கலக்கம் ஊட்டுவதாகவே இருந்து வருக்கிறது.

நம் சமூகத்தினுடைய காலக் கண்ணாடியாக பதிவுலகம் இருந்து கொண்டிருக்கிறது.

யார் கண் பட்டதோ, ஒரு தெளிந்த நன்னீரோடையாக இருந்த பதிலவுலகத்தில் விஷம் கலக்கும் விதமாக உண்மைத் தமிழன் அவர்கள் ப்ரிவ்யூ என்பதைத் துவக்கி வைத்தார். அவர் உண்மையில் நல்ல நோக்கத்தோடு தான் துவங்கி வைத்தார். ஆனால் துரதிர்ஷ்டவசமாக பதிவுலகத்தின் சீரழிவின் முதல் புள்ளி அது.

இப்பொழுது நந்தலாலா பற்றி பேசுவதற்கு மறுபடியும் பதிவர்கள் விஜய் டிவிக்கு அழைக்கப்பட்டிருக்கிறார்கள்.

பதிவர்களின் நேர்மையை தனது வியாபாரத்திற்குப் பயன்படுத்திக் கொள்ளப் பார்க்கும் திரையுலகின் முயற்ச்சி இது.

நாளை பதிவர்களும் தொடரந்து ப்ரிவ்யூ ஷோக்களுக்கு அழைக்கப் படலாம்.அவர்களுக்கும் கவர் வழங்கப் படலாம்.அவர்களும் படங்களின் குறைகளை குறை கூறுவதைக் குறைத்துக் கொண்டு புகழ் பாடத்துவங்கலாம்.

திரையுலகம் பதிவர்களை விழுங்கப் பார்க்கிறது. பதிவர்கள் இதைத் தவிர்ப்பது நல்லது.

விஜய் டிவியில், நமக்கு ஜப்பானிய சினிமா உலக சினிமா, ஜப்பானுக்கு நம்முடைய தமிழ் சினிமா உலக சினிமா என்ற ஒரு அரிய பொன்மொழியை பதிவர் கேபிள் சங்கர் உதிர்த்தாரே கவனித்தீர்களா?

அவர் சினிமா கட்டுரைகள் நிறைய எழுதுவதைப் பார்த்து, சினிமாவை கரைத்துக் குடித்தவர் போல என்று நினைத்துக் கொண்டிருந்தேன்.

அவருடைய உலக சினிமா பற்றிய பொன்மொழியை நேற்று டிவியில் பார்த்ததும் அவர் ஹோட்டல் ஹோட்டலாகப் போய் தின்பதற்குத்தான் லாயக்கு என்று தோன்றியது.

உலக சினிமா பற்றி எதுவும் அறியாதவர் அவர்.

உலக சினிமா என்றால் என்ன என்று பலர் பல கருத்துக்களை சொல்லியிருந்த போதிலும் இயக்குனர் அமீர் சொன்ன ஒரு வாசகம் என் மனதில் இன்னமும் மின்னிக் கொண்டிருக்கிறது.

ஒரு சினிமா, உலகில் யார் பார்த்தாலும் ஒரே தாக்கத்தை உண்டாக்க வேண்டும் . அப்படி ஒரு தாக்கத்தை உண்டாக்கினால் அது உலக சினிமா . பை சைக்கிள் தீவ்ஸ் திரைப்படத்தை உலகில் யார் பார்க்கும் போதும் அழவே செய்கிறார்கள். எனவே அது உலக சினிமா.

கேபிள் சங்கரால் இதைப் புரிந்து கொள்ள முடியாது.

Wednesday, December 8, 2010

நந்தலாலா- கேள்விகளும் பதில்களும்

(இவை ஏற்கனவே பதிவு செய்யப்பட்ட கேள்விகளுடன் மேலும் சில கேள்வி பதில்கள் சேர்க்கப் பட்ட பதிவு. இந்தக் கேள்வி பதில்களை ஏற்கனவே வாசித்திருப்பவர்கள் கடைசியில் சேர்க்கப் பட்டிருக்கும் புதிய கேள்வி பதில்களுக்குச் செல்லவும். வாசிக்காதவர்கள் துவக்கத்திலிருந்து வாசிக்கலாம்)

நந்தலாலா - அயோக்கியம் மிஷ்கின்

உலக சினிமாவிற்கும் திருட்டுத் தனத்திற்கும் அப்படி என்ன தான் நமக்கு எட்டாத படி ரகசிய உறவோ.. உலக சினிமா பார்ப்பவர்கள் பெரும்பாலும் திருடர்களாகவே இருக்கிறார்கள் . அதுவும் வெற்றிக்கான வெறி புழுத்து வழியும் இந்தியா மாதிரி தேசங்களில் இந்த திருடர்களின் எண்ணிக்கை சற்று அதிகமாகவே இருக்கிறது.

இந்த வரிசையில் நாம் புதிதாக மிஷ்கினை சேர்க்க வேண்டும்.

வாழும் சினிமா மேதையான டிக்கேசி கிட்டனோவின் கிகிஜிரோ தமிழாக்கம் செய்யப்பட்டு நந்தலாலா என்ற பெயரில் ஓடிக்கொண்டிருக்கிறது. டிக்கேசி கிட்டனோவை இருட்டடிப்பு செய்து விட்டு மிஷ்கின் அந்தப் படத்திற்கான புகழ் மாலைகளை முன் நின்று வாங்கிக் கொண்டிருக்கிறார். இதைத் தாண்டி ஒரு சினிமா மேதையை யாரும் அவமதிக்க முடியாது.
மிஷ்கினின் இந்தக் காரியம் தமிழ் சிந்தனையாளர்களிடம் பல்வேறு கேள்விகளை உண்டாக்கியிருக்கிறது.

எனவே கேள்வி பதிலாகவே நான் என் பதிவை பதிவு செய்கிறேன்.

நந்தலாலா தமிழில் ஒரு உலக சினிமா என்று சொல்கிறார்களே?

ஒரு உலக சினிமாவின் கதையை திருடி எடுத்து, அந்தப் படத்தின் ஒவ்வொரு காட்சியையும் அதைப் போல இன்னொரு காட்சியால் மாற்றி அமைத்து ,ஒவ்வொரு ஷாட்டையும் டேப் வைத்து அளந்து, அடிக்கு அடி படமெடுத்தால் அது தமிழில் உலக சினிமா போலத்தான் இருக்கும்.

அப்படி ஒரு கதையை திருடி படம் எடுத்தால் என்ன தவறு? இதை ஏன் யாரும் பொருட்படுத்த வேண்டும்?

கதையை திருடுவதற்குப் பின்னால் பல அழுக்குகள் அசிங்கங்கள் இருக்கின்றன. அவைகள் என்னெவென்று பார்க்கலாம்.

1.கிகிஜிரோ அழகான கதை தான். ஆனால் அதே நேரத்தில் யாராலும் உருவாக்க முடியாத கதை கிடையாது.இங்கிருக்கிற எழுத்தாளர்களை வைத்தோ அல்லது உதவி இயக்குனர்களை வைத்தோ இதே போல் தாக்கம் உண்டாக்கும் ஒரு கதை வேண்டும் என்று சொல்லி அதற்கு சில லட்சங்களை செலவளித்தால் கிகிஜிரோவைக் காட்டிலும் அழகான கதையை உண்டாக்க முடியும்.ஆனால் இங்கிருக்கிற சில இயக்குனர்களுக்கு , குடிக்கு சில லட்சங்களை செலவளிக்க முடியும். கூத்தியாள்களுக்கு சில லட்சங்களை செலவளிக்க முடியும். ஆனால் கதை என்கிற வஸ்த்துக்கு மட்டும் நயா பைசை செலவளிக்க முடியாது. கதை ஓசியில் கிடைக்க வேண்டும்.அல்லது உதவி இயக்குனர் அசந்த நேரம் பார்த்து உதவி இயக்குனரின் கதையை எடுத்துக் கொள்ள வேண்டும். அல்லது திருட்டு சிடிக்கள் பார்த்து ஏதாவது ஒரு படத்தின் கதையை அல்லது சில படங்களின் கதையை ஒன்று சேர்த்து ஓசியிலேயே கதையை உருவாக்கி விட வேண்டும். ஆனால் தயாரிப்பாளரிடம் கதை என்னுடையது என்று சொல்லி சில பத்து லட்சங்களை வாங்கி பாக்கெட்டில் போட்டுக் கொள்ள வேண்டும். சினிமாவில் சில இயக்குனர்களிடம் ஆண்டாண்டு காலமாக இருக்கும் இந்த புத்தியே மிஷ்கினையும் திருட வைத்திருக்கிறது.

2.சினிமாவில் ஒரு இயக்குனரிடம் கதை இல்லாத போது ஒரு இடைவெளி உண்டாகும் . அதன் வழியாகவே இன்னொரு புதிய இயக்குனர் ஒரு புதிய கதையுடன் உள்ளே நுழைய முடியும். இது தான் சினிமாவின் சுழற்ச்சி. இப்படி உண்டான இடைவெளியில் தான் சென்ற வருடங்களில் சுப்பிரமணியபுரம் சசி, பசங்க பாண்டியராஜன், வெண்ணிலா கபடி குழு சுசீந்திரன் போன்ற உண்மையும் நேர்மையும் கொண்ட புதிய இயக்குனர்கள் திரையுலகிற்கு வந்தார்கள். இப்படி உலக சினிமாவின் கதைகளைத் திருடி ஒருவர் படம் செய்து கொள்ளமுடியும் என்றால் எல்லா இயக்குனர்களும் ஆளுக்கொரு கதையை திருடி தொடர்ந்து படம் செய்து கொண்டே இருப்பார்கள். புதியவர்களுக்கும் நேர்மையானவர்களுக்கும் இடம் இல்லாமல் போய் ஒரு கட்டத்தில் திருட்டு தடியர்கள் மட்டுமே திரையுலகில் இருப்பார்கள்.

3.இயக்குனர் வசந்த பாலன் வெயில் அங்காடித்தெரு போன்ற இரு படங்களின் வெற்றியைத் தொடர்ந்து தனது மூன்றாவது படத்திற்கு சு.வெங்கடேசனின் காவல் கோட்டம் நாவலை உரிமை வாங்கி படமாக்கிக் கொண்டிருக்கிறார். அவர் ஒரு நல்ல உதாரணம். கதை இல்லாத இயக்குனர்கள் தமிழின் மேன்மையான படைப்புகளை படமாக்க முயற்ச்சி செய்ய வேண்டும் . அப்படி செய்தால் எழுத்தாளர்கள் பிச்சை எடுக்க வேண்டியிருக்காது(சாரு நிவேதிதா கவனிக்க). அது மட்டுமல்லாமல் உலகின் தலைசிறந்த படங்களில் தமிழ் எழுத்தாளர்களின் படைப்புகளும் இடம் பெறும்.

4.கிகிஜிரோவைக் காட்டிலும் மேலான கதைகள் வைத்திருக்கும் , மிஷ்கினைக் காட்டிலும் திறமை மிக்க புதிய இயக்குனர்கள் சினிமா வாய்ப்புகளுக்காக அழைந்து கொண்டிருக்கிறார்கள். சரியான வாய்ப்பு கிடைக்காமல் அவர்களுடைய வாழ்க்கையை வறுமை தின்று கொண்டிருக்கிறது. அவர்கள் துர்மரணங்களை சந்திக்கிறார்கள். மிஷ்கினின் இந்தக் காரியம் அந்த துர்மரணங்களின் எண்ணிக்கையை அதிகரிக்கும்.

இது போல் நூறு காரணங்கள் சொல்ல முடியும்.


கிகிஜிரோவை தமிழ் பார்வையாளர்கள் பார்க்கப் போவதில்லை. கிகிஜிரோவையும் அதன் இயக்குனர் டிக்கேஷி கிட்டனோவையும் மிஷ்கின் தமிழில் அறிமுகப் படுத்தியிருக்கிறார். இதை ஒரு கலை சேவையாக ஏன் கருதக்கூடாது?


இதை கலைச்சேவையாக கருத முடியாது. அதற்கு பல காரணங்கள் இருக்கின்றன.

1.இன்றைய தினத்தில் மிஷ்கின் அருவருக்கும் இரண்டு வார்த்தைகள் கிகிஜிரோ என்பதும் டிக்கேஷி கிட்டனோ என்பதும் ஆகும். இதனை நேர்காணல்களில் அவர் இந்தக் கேள்வியை சந்திக்கும் போது அவருடைய முகத்தைப் பார்த்து புரிந்து கொள்ள முடியும்.அவர் நேர்காணலில் கற்பிக்க முயற்சிப்பதெல்லாம் மூலப்படம் இவ்வளவு சிறப்பான படமில்லை, நான் எனது அறிவினாலேயே இதை சிறப்பாக்கியிருக்கிறேன் என்பதைத்தான். இது டிக்கேஷி கிட்டனோவிற்கு செய்கிற அவமரியாதையே.

2.இதைப் போல உலக சினிமாவின் கதையை திருடுகிறவர்கள் மூலப் படத்தில் இருக்கிற மேன்மையான விஷயங்களை கொன்றொழிக்கிறார்கள்.தமிழ் சூழலுக்கு ஏற்றார்போல் மாற்றுகிறேன் என்று சொல்லி அதன் ஆன்மாவை சிதைக்கிறார்கள்.திருடியது தெரியாமலிருப்பதற்காக அதன் தோற்றத்தை மூழியாக்குகிறார்கள். இறுதியாக இவர்களின் சிந்தனையில் இருக்கிற கீழ்மைகளை அதனுள் ஏற்றுகிறார்கள். (உதாரணத்திற்கு மகனை விட்டுச் சென்ற தாய் இழிவானவள், விபச்சாரம் செய்கிற பெண் அழுக்கானவள்)ஆக மொத்த த்தில் மூல படத்தில் இருக்கிற கமர்ஷியல் அயிட்டங்களை மட்டும் சுருட்டி எடுத்து ஒரு படம் உண்டாக்குகிறார்கள்.

3.இது லட்சம் லட்சமான சம்பளத்திற்காகவும் , புகழ் மாலைகளுக்காகவும் செய்யப்பட்ட காரியம்.

4.தமிழ் நாட்டில் யாரும் அந்தப் படத்தையெல்லாம் பார்த்து விட மாட்டார்கள் , அப்படியே ஒன்றிரண்டு பேர் பார்த்தாலும் அவர்களையெல்லம் சரிக்கட்டி விடலாம் என்ற எண்ணத்திலேயே இந்த திருட்டு முயற்ச்சி மேற்கொள்ளப்பட்டது . இதில் கலைச் சேவை எங்கிருந்து வருகிறது.

எழுத்தாளர்களாகிய பிரபஞ்சன், மனுஷ்யபுத்திரன், சாருநிவேதிதா, ஷாஜி இவர்களெல்லாம் இந்தப் படத்தையும் இந்த இயக்குனரையும் வானளாவப் புகழ்கிறார்களே?


இந்த சமூகத்தின் எல்லா விதமான இழிவுகளோடும் , அழுக்கோடும் , கசடுகளோடும் இந்த எழுத்தாளர்கள் சமரசம் செய்து கொண்டு சில பல வருடங்கள் ஆகி விட்டது.எப்படியாவது சினிமா என்கிற பணக்கப்பலில் ஒரு இடத்தைப் பிடித்து சில லட்சங்களை அள்ளி விடுவது அவர்களுடைய லட்சியம். அதனால் இவர்கள் மிஷ்கினை வானளாவப் புகழ்வதில் ஆச்சர்யப் படத்தேவையில்லை.

நானும் இதைப்போல ஒரு உலக சினிமாவை காப்பி எடுத்து படம் எடுத்தால் இந்த எழுத்தாளர்கள் என்னையும் வானளாவப் புகழ்வார்களா? இதற்கு நான் எந்த எழுத்தாளருக்கு என்ன செய்ய வேண்டும்?

ஜெயமோகன் , எஸ்.ராமகிருஷ்ணனுக்கு வசனம் எழுதும் வாய்ப்பு. மனுஷ்ய புத்திரனுக்கு வசனம் எழுதும் வாய்ப்பு அல்லது பாடல் எழுதும் வாய்ப்பு மற்றும் திரைக்கதை புத்தகத்தை உயிர்மையில் வெளியிடும் அனுமதி, சாருநிவேதிதாவுக்கு அவ்வப்பொழுது ஐயாயிரம் பத்தாயிரம் ஏதாவது ஒரு காட்சியில் தலை காட்ட வாய்ப்பு.பிரபஞ்சனுக்கு கொஞ்சம் தேநீர் கொஞ்சம் நட்பு.

நான் இவைகளைச் செய்தால் அவர்கள் என்னென்ன பதில் சேவைகளை நமக்கு செய்வார்கள்?


நீங்கள் தமிழில் ஒரு அட்சரம் கூட வாசித்திருக்க வேண்டியதில்லை. இவர்கள் முதல் கட்டமாக தமிழ் சினிமாவில் இலக்கிய ஞானம் உள்ள இயக்குனர் என்ற பட்டத்தை தருவார்கள். இரண்டாவதாக நீங்கள் அழைக்கும் போதெல்லாம் வந்து, மிகவும் அரிதான சிறு பத்திரிக்கை வார்த்தைகளில் உங்களை மேதை, ஞானி என்றெல்லாம் புகழ்வார்கள். கதையைத் திருடியது பற்றி உங்களுக்கு ஏதேனும் குற்ற உணர்வு இருந்தால் அதை மனோத த்துவ ரீதியாக, ஆன்மீக ரீதியாக , இலக்கிய ரீதியாக தொடர்ந்து உரையாடி சரி செய்வார்கள். படம் வெளியாகும் சமயம் இவர்களுடை இணைய தளங்களில் உங்கள் படத்தை தமிழின் முதல் சினிமா , உலக சினிமா என்றெல்லாம் புகழ்ந்து எழுதுவார்கள். அவர்கள் எழுதிக்கொண்டிருக்கிற பத்திரிக்கைகளில் உங்கள் படத்தை பற்றி எழுதி மார்க்கெட் செய்வார்கள். டிவி ஷோக்களில் பங்கெடுத்து உங்களுக்கே கூசும் அளவுக்கு உங்களைப் புகழ்வார்கள்.

முட்டாளாக அமர்ந்து கொண்டு எதிரில் தமிழின் தலை சிறந்த எழுத்தாளர்களை அமர வைத்து அவர்கள் புகழ்வதை கேட்டுக் கொண்டிருப்பது இருக்கிறதே ..அந்த சுகமே தனி.

எழுத்தாளர்களின் இந்த மாதிரியான காரியங்களுக்கு முன்னோடி எழுத்தாளர் யார்?

எஸ்ரா என்று பலரும் சொல்கிறார்கள்.

வசனம் எழுதும் வேலைக்கு நம் சிறு பத்திரிக்கை எழுத்தாளர்கள் இவ்வளவு தவியாய் தவிப்பதேன்?

முதல் காரணம் அது உழைப்பற்ற ஊதியம்.ஒரு படத்தின் பெரும்பான்மையான வசனங்களை உதவி இயக்குனர் மற்றும் இயக்குனரே எழுதி விடுவார்கள். ஒரு எழுத்தாளர் டிஸ்கஸ்ஸனில் பங்கெடுத்து அந்த பிராஜக்டுக்கு சம்பந்தம் இல்லாத விஷயங்களை வாய் ஓயாமல் பேசிக்கொண்டிருக்கலாம்¢. அந்த இயக்குனரை அவ்வப்பொழுது கீஸ்லாவ்ஸ்கி , டிக்கஸி கிட்டனோ இவர்களுடன் ஓப்பிட்டுப் பேசிக்கொண்டிருந்தால் போதும். பிராஜக்டுக்கு பத்து லட்சம் வரை சம்பளம் கிடைக்கும். இப்படி ஒரு பணம் கிடைக்கும் போது ஒருவர் என்ன காரியத்திற்கும் தயாராவது இந்த உலகில் சகஜம் தானே.

தமிழ் சிறுபத்திரிக்கை எழுத்தாளர்கள் இப்படி சில்லரை வேலை செய்து தான் சினிமாவில் இடம் பெற முடியுமா? வேறு வழியே இல்லையா?

இருக்கிறது.இவர்கள்¢ மலையாளத்தில் எம்.டி.வாசுதேவன் செய்வதைப் போல ஒரு சினிமாவிற்கான முழுநீள கதையை உருவாக்கி அதற்கு திரைக்கதை வசனம் எழுதி பணம் சம்பாதிக்கலாம். ஆனால் இவர்களால் மக்கள் விரும்பும் ¢ கதையை ஒரு போதும் சிந்திக்க முடியாது. அதனால் இப்படி ஏதேனும் உப வேலை செய்தே பணம் சம்பாதிக்க சபிக்கப் பட்டவர்களாகி விட்டார்கள்.

பிளாக்கர்கள் நிறைய பேர் படத்தை புகழ்ந்து எழுதியிருக்கிறார்களே?

இன்று சமூகத்தில் நேர்மை ஓரளவேனும் குடிகொண்டிருக்கும் இடங்களில் பிளாக்கும் ஒன்று. பிளாக்கர்களில் இந்தப் படத்தை புகழ்கிறவர்களை மூன்று பிரிவாகப் பிரிக்கலாம். முதல் பிரிவினர் மூலப் படத்தை பார்க்காவதவர்கள். ஆகையானலேயே இந்தப் படம் கொடுக்கிற ஆச்சர்யத்தில் இது எந்தப் படத்தில் இருந்து எடுக்கப் பட்டிருந்தால் என்ன எனக்கு இது சந்தோஷம் தருகிறது என்ற எண்ணத்தில் எழுதுகிறார்கள். இரண்டாவது பிரிவினர் திருடுவதுதான் இன்று எல்லோரும் செய்கிற காரியமாக ஆகி விட்டதே பின் ஏன் இன்னமும் நாம் அதைப் பொருட்படுத்திக் கொண்டிருக்க வேண்டும். அடுத்த வேலையைப் பார்ப்போம் என்ற முடிவிற்கு வந்தவர்கள். மூன்றாவது பிரிவினர் அது திருடப்பட்டது என்ற தகவலே தெரியாதவர்கள்.

இடதுசாரி எழுத்தாளர் பவா செல்லத்துரை கூட இந்தப் படத்தை வானளாவப் புகழ்ந்தாரே?

இடது சாரிகளிடம் இருந்தும் நேர்மை போய் விட்டது என்பதற்கான அடையாளம் தான் அது.அவர்கள் அவ்வப்போது நடத்துகிற கலை விழாவிற்கு சினிமா பிரபலங்கள் தேவைப் படுகிறார்கள். நேர்மை கீர்மை என்றெல்லாம் ஸ்ட்ரிக்டாக இருந்தால் அப்புறம் விழா நடத்த முடியாது. அதனாலேயே அவர்கள் கொஞ்சம் ஈவு சோவாக நடந்து கொள்ள முடிவு செய்திருக்கலாம்.

உதவி இயக்குனர்கள் நிறைய படிக்க வேண்டும் என்று மிஷ்கின் மீண்டும் மீண்டும் வலியுறுத்தகிறாரே.. பின்னணி என்னவாக இருக்கும்?

இரண்டு பின்னணிகளை நான் யூகிக்கிறேன்.

1. அவர்கள் புத்தகம் வாசிக்காமல் டிவிடி பார்த்துக் கொண்டிருப்பதால் தான் இவர் எடுக்கிற படங்கள் எல்லாம் எந்தப் படத்தின் மூலம் என்பதை கண்டு பிடித்து விடுகிறார்கள். அதைத் தவிர்ப்பதற்காக இருக்கலாம்.

2. இயக்கனர் ஆவதற்கு புத்தகம் வாசிக்க வேண்டும் என்ற எண்ணத்தை ஏற்படுத்தி விட்டால் சினிமாவில் சாதிக்கலாம் என்று வருகிறவர்கள் தடி தடி புத்தகங்களைப் பார்த்து விட்டு இயக்குனராவது இவ்வளவு கடினமான காரியமா என்று யோசித்து வராமலே போக க் கூடும். இதன் மூலம் போட்டியாளர்களைத் தவிர்க்கலாம்.

நந்தலாலா ; அயோக்கியம்-மிஷ்கின் என்று தலைப்பு போட்டிருக்கிறீர்களே! அது என்ன அயோக்கியம்?

உலக சினிமாவின் கதையை அயோக்கியத் தனமாய் திருடி இயக்குபவர்கள் இனிமேல் வெறும் இயக்கம் என்று போடாமல் அயோக்கியம் என்று போட்டால் படம் பார்ப்பவர்கள் புரிந்து கொள்ள வசதியாக இருக்கும். இல்லையென்றால் பசங்க பட இயக்குனர் பாண்டியராஜன், வெண்ணிலா கபடி குழு சுசிந்திரன் போன்ற நேர்மையானவர்கள் வரியையிலேயே மிஷ்கினும் இடம் பெறும் ஆபத்து இருக்கிறது.அப்புறம் நல்லவர்களுக்கான எல்லா மரியாதையும் மிஷ்கினுக்கும் கிடைக்கும்

இப்படி செய்வதை தவறு என்று உணர்ந்து மிஷ்கினோ அல்லது அவருடன் இருக்கும் எழுத்தாளர்களோ தங்களை மாற்றிக் கொள்வதற்கு வாய்ப்பிருக்கிறதா?

மிஷ்கின் மாற மாட்டார். அவர் இதில் ருஷி கண்டு விட்டார். அவருடை முந்தைய படத்திற்கும் மூலப் படமாக ஒன்றைச் சொல்கிறார்கள். அவர் இப்பொழுது இயக்கி முடித்திருக்கும் யுத்தம் செய்க்கும் மூலப்படமாக ஒரு படத்தை சொல்லியிருக்கிறார்கள். அவர் கமலுக்கு இரண்டு மூன்று கதைகள் சொன்ன போது கூட , கமல் நீங்களே யோசித்து உருவாக்கும் கதை இருந்தால் சொல்லுங்கள், டிவிடி கதைகள் வேண்டாம் என்று சொல்லி அனுப்பியதாக பத்திரிக்கை கிசு கிசுக்களில் செய்தி வந்தது. எனவே பார்வையாளர்கள் கடுமையாக எதிர்ப்பு தெரிவிக்காத வரை மிஷ்கின் மாறிக்கொள்ள வாய்ப்பில்லை.

எழுத்தாளர்கள் மாற்றிக் கொள்ள மாட்டார்கள்.

இங்கு யாருக்கும் வெட்கம் இல்லை.

ஆனந்த விகடனில் நந்தலாலா படத்திற்கு 45 மதிப்பெண்கள் கொடுத்திருக்கிறார்களே?

நான் படித்த பள்ளியில் ஒரு மாணவன் இன்னொரு மாணவனைப் பார்த்து எழுதி , அவன் கண்டுபிடிக்கப் பட்டால், ஆசிரியர் பேப்பரின் எல்லா பக்கங்களையும் அடித்து விட்டு malpractice என்று எழுதி முட்டை போட்டு விடுவார்கள்.அதன்பின் அந்த மாணவன் யாரையும் பார்த்து எழுதுவே மாட்டான்.

ஆபாசமாக இருந்தது என்பதற்காக பாய்ஸ் படத்திற்கு ச்சீ என்று விமர்சனம் எழுதி சினிமா படைப்பாளிகளுக்கு எச்சரிக்கை வழங்கியது ஆனந்த விகடன்.

அப்படி ஒரு முறையேனும் ஒரு படத்திற்கு malpractice என்று போட்டு பூச்சியம் போடுவதை ஆனந்த விகடன் செய்தால் இந்தக் கதைத் திருடர்களிடம் இருந்து சினிமா தப்பிக்கும்.

நந்தலாலவிற்கே malpractice என்று போட்டு பூச்சியம் மார்க் கொடுத்திருக்க வேண்டும் என்று தான் நான் விரும்புகிறேன்.

'சினிமாவிற்கு போன சிற்றிதழ் ஆட்கள்' உலக சினிமா திருட்டிற்கு என்ன ரியாகட் பண்ணுகிறார்கள்?

ஒரு 'பிறபழ' சிற்றிதழ் எழுத்தாளர் இருக்கிறார்.அவர் உலக சினிமாவின் அத்தாரிட்டி.

என் நண்பன் ஒருவன் உதவி இயக்குனன்.

அவன் அடிக்கடி அந்த எழுத்தாளரைப் பார்க்கப் போவான். போகும் போதெல்லாம் ' இந்தப் படத்தை அப்படியே தமிழில் எடுக்கலாம் ' 'இந்தப் படத்தை அப்படியே தமிழில் எடுக்கலாம் 'என்று ஏதாவது ஒரு டிவிடியை எடுத்துக் காட்டுவாராம்.

அவருடைய ரகசிய அறையில் டிவிடியை மூன்று பிரிவாகப் பிரித்து வைத்திருப்பாராம். ஒன்று கதை திருடுவதற்கு எடுத்துக் கொடுத்து வசனம் எழுதும் வாய்ப்பைப் பெற்றுக் கொள்வதற்கான படங்கள்.இரண்டு தான் இயக்குனராகும் போது எடுத்துப் பயன் படுத்திக் கொள்வதற்கான படங்கள். மூன்று நாவலாகத் தழுவி எழுதிக் கொள்வதற்கான படங்கள்.

அவன் அந்தப் பிரிவைப் பார்த்து அதிர்ச்சியில் உறைந்து போயிருக்கிறான்.

ஆக சினிமாவிற்குப் போன சிற்றிதழ் ஆட்களில் சிலர் முதல் காரியமாக செய்வது உலக சினிமாவைக் காட்டிக் கொடுப்பது என்பதாகும். இரண்டாவதாக அந்த இயக்குனர் அந்தக் கதையை கற்பழிக்கும் விதமாக கூட்டிக் கொடுப்பது என்பதாகும். மூன்றாவதாக அதற்கு ஒரு சன்மானம் பெற்று பெருமிதமான வாழ்வு வாழ்வது என்பதாகும்.

சமீபத்தில் அந்த எழுத்தாளர் உலக சினிமா பற்றி எழுதிய ஒரு புத்தகத்தை புத்தக க் கடையில் பார்த்தேன். வசன வாய்ப்பிற்காக செய்து வைக்கப் பட்ட ஒரு பெரிய பிச்சைப் பாத்திரம் போல் இருந்தது.

Wednesday, December 1, 2010

நந்தலாலா-அயோக்கியம் மிஷ்கின்

உலக சினிமாவிற்கும் திருட்டுத் தனத்திற்கும் அப்படி என்ன தான் நமக்கு எட்டாத படி ரகசிய உறவோ.. உலக சினிமா பார்ப்பவர்கள் பெரும்பாலும் திருடர்களாகவே இருக்கிறார்கள் . அதுவும் வெற்றிக்கான வெறி புழுத்து வழியும் இந்தியா மாதிரி தேசங்களில் இந்த திருடர்களின் எண்ணிக்கை சற்று அதிகமாகவே இருக்கிறது.

இந்த வரிசையில் நாம் புதிதாக மிஷ்கினை சேர்க்க வேண்டும்.

வாழும் சினிமா மேதையான டிக்கேசி கிட்டனோவின் கிகிஜிரோ தமிழாக்கம் செய்யப்பட்டு நந்தலாலா என்ற பெயரில் ஓடிக்கொண்டிருக்கிறது. டிக்கேசி கிட்டனோவை இருட்டடிப்பு செய்து விட்டு மிஷ்கின் அந்தப் படத்திற்கான புகழ் மாலைகளை முன் நின்று வாங்கிக் கொண்டிருக்கிறார். இதைத் தாண்டி ஒரு சினிமா மேதையை யாரும் அவமதிக்க முடியாது.
மிஷ்கினின் இந்தக் காரியம் தமிழ் சிந்தனையாளர்களிடம் பல்வேறு கேள்விகளை உண்டாக்கியிருக்கிறது.

எனவே கேள்வி பதிலாகவே நான் என் பதிவை பதிவு செய்கிறேன்.

நந்தலாலா தமிழில் ஒரு உலக சினிமா என்று சொல்கிறார்களே?

ஒரு உலக சினிமாவின் கதையை திருடி எடுத்து, அந்தப் படத்தின் ஒவ்வொரு காட்சியையும் அதைப் போல இன்னொரு காட்சியால் மாற்றி அமைத்து ,ஒவ்வொரு ஷாட்டையும் டேப் வைத்து அளந்து, அடிக்கு அடி படமெடுத்தால் அது தமிழில் உலக சினிமா போலத்தான் இருக்கும்.

அப்படி ஒரு கதையை திருடி படம் எடுத்தால் என்ன தவறு? இதை ஏன் யாரும் பொருட்படுத்த வேண்டும்?

கதையை திருடுவதற்குப் பின்னால் பல அழுக்குகள் அசிங்கங்கள் இருக்கின்றன.

1.கிகிஜிரோ அழகான கதை தான். ஆனால் அதே நேரத்தில் யாராலும் உருவாக்க முடியாத கதை கிடையாது.இங்கிருக்கிற எழுத்தாளர்களை வைத்தோ அல்லது உதவி இயக்குனர்களை வைத்தோ இதே போல் தாக்கம் உண்டாக்கும் ஒரு கதை வேண்டும் என்று சொல்லி அதற்கு சில லட்சங்களை செலவளித்தால் கிகிஜிரோவைக் காட்டிலும் அழகான கதையை உண்டாக்க முடியும்.ஆனால் இங்கிருக்கிற சில இயக்குனர்களுக்கு , குடிக்கு சில லட்சங்களை செலவளிக்க முடியும். கூத்தியாள்களுக்கு சில லட்சங்களை செலவளிக்க முடியும். ஆனால் கதை என்கிற வஸ்த்துக்கு மட்டும் நயா பைசை செலவளிக்க முடியாது. கதை ஓசியில் கிடைக்க வேண்டும்.அல்லது உதவி இயக்குனர் அசந்த நேரம் பார்த்து உதவி இயக்குனரின் கதையை எடுத்துக் கொள்ள வேண்டும். அல்லது திருட்டு சிடிக்கள் பார்த்து ஏதாவது ஒரு படத்தின் கதையை அல்லது சில படங்களின் கதையை ஒன்று சேர்த்து ஓசியிலேயே கதையை உருவாக்கி விட வேண்டும். ஆனால் தயாரிப்பாளரிடம் கதை என்னுடையது என்று சொல்லி சில பத்து லட்சங்களை வாங்கி பாக்கெட்டில் போட்டுக் கொள்ள வேண்டும். சினிமாவில் சில இயக்குனர்களிடம் ஆண்டாண்டு காலமாக இருக்கும் இந்த புத்தியே மிஷ்கினையும் திருட வைத்திருக்கிறது.

2.சினிமாவில் ஒரு இயக்குனரிடம் கதை இல்லாத போது ஒரு இடைவெளி உண்டாகும் . அதன் வழியாகவே இன்னொரு புதிய இயக்குனர் ஒரு புதிய கதையுடன் உள்ளே நுழைய முடியும். இது தான் சினிமாவின் சுழற்ச்சி. இப்படி உண்டான இடைவெளியில் தான் சென்ற வருடங்களில் சுப்பிரமணியபுரம் சசி, பசங்க பாண்டியராஜன், வெண்ணிலா கபடி குழு சுசீந்திரன் போன்ற உண்மையும் நேர்மையும் கொண்ட புதிய இயக்குனர்கள் திரையுலகிற்கு வந்தார்கள். இப்படி உலக சினிமாவின் கதைகளைத் திருடி ஒருவர் படம் செய்து கொள்ளமுடியும் என்றால் எல்லா இயக்குனர்களும் ஆளுக்கொரு கதையை திருடி தொடர்ந்து படம் செய்து கொண்டே இருப்பார்கள். புதியவர்களுக்கும் நேர்மையானவர்களுக்கும் இடம் இல்லாமல் போய் ஒரு கட்டத்தில் திருட்டு தடியர்கள் மட்டுமே திரையுலகில் இருப்பார்கள்.

3.இயக்குனர் வசந்த பாலன் வெயில் அங்காடித்தெரு போன்ற இரு படங்களின் வெற்றியைத் தொடர்ந்து தனது மூன்றாவது படத்திற்கு சு.வெங்கடேசனின் காவல் கோட்டம் நாவலை படமாக்கிக் கொண்டிருக்கிறார். அவர் ஒரு நல்ல உதாரணம். கதை இல்லாத இயக்குனர்கள் தமிழின் மேன்மையான படைப்புகளை படமாக்க முயற்ச்சி செய்ய வேண்டும் . அப்படி செய்தால் எழுத்தாளர்கள் பிச்சை எடுக்க வேண்டியிருக்காது(சாரு நிவேதிதா கவனிக்க). அது மட்டுமல்லாமல் உலகின் தலைசிறந்த படங்களில் தமிழ் எழுத்தாளர்களின் படைப்புகளும் இடம் பெறும்.

4.கிகிஜிரோவைக் காட்டிலும் மேலான கதைகள் வைத்திருக்கும் , மிஷ்கினைக் காட்டிலும் திறமை மிக்க புதிய இயக்குனர்கள் சினிமா வாய்ப்புகளுக்காக அழைந்து கொண்டிருக்கிறார்கள். சரியான வாய்ப்பு கிடைக்காமல் அவர்களுடைய வாழ்க்கையை வறுமை தின்று கொண்டிருக்கிறது. அவர்கள் துர்மரணங்களை சந்திக்கிறார்கள். மிஷ்கினின் இந்தக் காரியம் அந்த துர்மரணங்களின் எண்ணிக்கையை அதிகரிக்கும்.

இது போல் நூறு காரணங்கள் சொல்ல முடியும்.

கிகிஜிரோவை தமிழ் பார்வையாளர்கள் பார்க்கப் போவதில்லை. கிகிஜிரோவையும் அதன் இயக்குனர் டிக்கேஷி கிட்டனோவையும் மிஷ்கின் தமிழில் அறிமுகப் படுத்தியிருக்கிறார். இதை ஒரு கலை சேவையாக ஏன் கருதக்கூடாது?

இதை கலைச்சேவையாக கருத முடியாது. அதற்கு பல காரணங்கள் இருக்கின்றன.

1.மிஷ்கின் இன்று அருவருக்கும் இரண்டு வார்த்தைகள் கிகிஜிரோ என்பதும் டிக்கேஷி கிட்டனோ என்பதும் ஆகும். இதனை நேர்காணல்களில் அவர் இந்தக் கேள்வியை சந்திக்கும் போது அவருடைய முகத்தைப் பார்த்து புரிந்து கொள்ள முடியும்.அவர் நேர்காணலில் கற்பிக்க முயற்சிப்பதெல்லாம் மூலப்படம் இவ்வளவு சிறப்பான படமில்லை, நான் எனது அறிவினாலேயே இதை சிறப்பாக்கியிருக்கிறேன் என்பதைத்தான். இது டிக்கேஷி கிட்டனோவிற்கு செய்கிற அவமரியாதையே.

2.இதைப் போல உலக சினிமாவின் கதையை திருடுகிறவர்கள் மூலப் படத்தில் இருக்கிற மேன்மையான விஷயங்களை கொன்றொழிக்கிறார்கள்.தமிழ் சூழலுக்கு ஏற்றார்போல் மாற்றுகிறேன் என்று சொல்லி கொஞ்சம் சிதைக்கிறார்கள்.திருடியது தெரியாமலிருப்பதற்காக சில விஷயங்களை மூழியாக்குகிறார்கள். இறுதியாக இவர்களின் சிந்தனையில் இருக்கிற கீழ்மைகளை அதனுள் ஏற்றுகிறார்கள். (உதாரணத்திற்கு மகனை விட்டுச் சென்ற தாய் இழிவானவள், விபச்சாரம் செய்கிற பெண் அழுக்கானவள்)ஆக மொத்த த்தில் மூல படத்தில் இருக்கிற கமர்ஷியல் அயிட்டங்களை மட்டும் சுருட்டி எடுத்து ஒரு படம் உண்டாக்குகிறார்கள்.

3.இது லட்சம் லட்சமான சம்பளத்திற்காகவும் , புகழ் மாலைகளுக்காகவும் செய்யப்பட்ட காரியம்.

4.தமிழ் நாட்டில் யாரும் அந்தப் படத்தையெல்லாம் பார்த்து விட மாட்டார்கள் , அப்படியே ஒன்றிரண்டு பேர் பார்த்தாலும் அவர்களையெல்லம் சரிக்கட்டி விடலாம் என்ற எண்ணத்திலேயே இந்த திருட்டு முயற்ச்சி மேற்கொள்ளப்பட்டது . இதில் கலைச் சேவை எங்கிருந்து வருகிறது.

எழுத்தாளர்களாகிய பிரபஞ்சன், மனுஷ்யபுத்திரன், சாருநிவேதிதா, ஷாஜி இவர்களெல்லாம் இந்தப் படத்தையும் இந்த இயக்குனரையும் வானளாவப் புகழ்கிறார்களே?

இந்த சமூகத்தின் எல்லா விதமான இழிவுகளோடும் , அழுக்கோடும் , கசடுகளோடும் இந்த எழுத்தாளர்கள் சமரசம் செய்து கொண்டு சில பல வருடங்கள் ஆகி விட்டது.எப்படியாவது சினிமா என்கிற பணக்கப்பலில் ஒரு இடத்தைப் பிடித்து சில லட்சங்களை அள்ளி விடுவது அவர்களுடைய லட்சியம். அதனால் இவர்கள் மிஷ்கினை வானளாவப் புகழ்வதில் ஆச்சர்யப் படத்தேவையில்லை.

நானும் இதைப்போல ஒரு உலக சினிமாவை காப்பி எடுத்து படம் எடுத்தால் இந்த எழுத்தாளர்கள் என்னையும் வானளாவப் புகழ்வார்களா? இதற்கு நான் எந்த எழுத்தாளருக்கு என்ன செய்ய வேண்டும்?

ஜெயமோகன் , எஸ்.ராமகிருஷ்ணனுக்கு வசனம் எழுதும் வாய்ப்பு. மனுஷ்ய புத்திரனுக்கு வசனம் எழுதும் வாய்ப்பு அல்லது பாடல் எழுதும் வாய்ப்பு மற்றும் திரைக்கதை புத்தகத்தை உயிர்மையில் வெளியிடும் அனுமதி, சாருநிவேதிதாவுக்கு அவ்வப்பொழுது ஐயாயிரம் பத்தாயிரம் ஏதாவது ஒரு காட்சியில் தலை காட்ட வாய்ப்பு.பிரபஞ்சனுக்கு கொஞ்சம் தேநீர் கொஞ்சம் நட்பு.

நான் இவைகளைச் செய்தால் அவர்கள் என்னென்ன பதில் சேவைகளை நமக்கு செய்வார்கள்?

நீங்கள் தமிழில் ஒரு அட்சரம் கூட வாசித்திருக்க வேண்டியதில்லை. இவர்கள் முதல் கட்டமாக தமிழ் சினிமாவில் இலக்கிய ஞானம் உள்ள இயக்குனர் என்ற பட்டத்தை தருவார்கள். இரண்டாவதாக நீங்கள் அழைக்கும் போதெல்லாம் வந்து, மிகவும் அரிதான சிறு பத்திரிக்கை வார்த்தைகளில் உங்களை மேதை, ஞானி என்றெல்லாம் புகழ்வார்கள். கதையைத் திருடியது பற்றி உங்களுக்கு ஏதேனும் குற்ற உணர்வு இருந்தால் அதை மனோத த்துவ ரீதியாக, ஆன்மீக ரீதியாக , இலக்கிய ரீதியாக தொடர்ந்து உரையாடி சரி செய்வார்கள். படம் வெளியாகும் சமயம் இவர்களுடை இணைய தளங்களில் உங்கள் படத்தை தமிழின் முதல் சினிமா , உலக சினிமா என்றெல்லாம் புகழ்ந்து எழுதுவார்கள். அவர்கள் எழுதிக்கொண்டிருக்கிற பத்திரிக்கைகளில் உங்கள் படத்தை பற்றி எழுதி மார்க்கெட் செய்வார்கள். டிவி ஷோக்களில் பங்கெடுத்து உங்களுக்கே கூசும் அளவுக்கு உங்களைப் புகழ்வார்கள்.

முட்டாளாக அமர்ந்து கொண்டு எதிரில் தமிழின் தலை சிறந்த எழுத்தாளர்களை அமர வைத்து அவர்கள் புகழ்வதை கேட்டுக் கொண்டிருப்பது இருக்கிறதே ..அந்த சுகமே தனி.

எழுத்தாளர்களின் இந்த மாதிரியான காரியங்களுக்கு முன்னோடி எழுத்தாளர் யார்?

எஸ்ரா என்று பலரும் சொல்கிறார்கள்.

வசனம் எழுதும் வேலைக்கு நம் சிறு பத்திரிக்கை எழுத்தாளர்கள் இவ்வளவு தவியாய் தவிப்பதேன்?

முதல் காரணம் அது உழைப்பற்ற ஊதியம்.ஒரு படத்தின் பெரும்பான்மையான வசனங்களை உதவி இயக்குனர் மற்றும் இயக்குனரே எழுதி விடுவார்கள். ஒரு எழுத்தாளர் டிஸ்கஸ்ஸனில் பங்கெடுத்து அந்த பிராஜக்டுக்கு சம்பந்தம் இல்லாத விஷயங்களை வாய் ஓயாமல் பேசிக்கொண்டிருக்கலாம்¢. அந்த இயக்குனரை அவ்வப்பொழுது கீஸ்லாவ்ஸ்கி , டிக்கஸி கிட்டனோ இவர்களுடன் ஓப்பிட்டுப் பேசிக்கொண்டிருந்தால் போதும். பிராஜக்டுக்கு பத்து லட்சம் வரை சம்பளம் கிடைக்கும். இப்படி ஒரு பணம் கிடைக்கும் போது ஒருவர் என்ன காரியத்திற்கும் தயாராவது இந்த உலகில் சகஜம் தானே.

தமிழ் சிறுபத்திரிக்கை எழுத்தாளர்கள் இப்படி சில்லரை வேலை செய்து தான் சினிமாவில் இடம் பெற முடியுமா? வேறு வழியே இல்லையா?

இருக்கிறது.இவர்கள்¢ மலையாளத்தில் எம்.டி.வாசுதேவன் செய்வதைப் போல ஒரு சினிமாவிற்கான முழுநீள கதையை உருவாக்கி அதற்கு திரைக்கதை வசனம் எழுதி பணம் சம்பாதிக்கலாம். ஆனால் இவர்களால் மக்கள் விரும்பும் ¢ கதையை ஒரு போதும் சிந்திக்க முடியாது. அதனால் இப்படி ஏதேனும் உப வேலை செய்தே பணம் சம்பாதிக்க சபிக்கப் பட்டவர்களாகி விட்டார்கள்.

பிளாக்கர்கள் நிறைய பேர் படத்தை புகழ்ந்து எழுதியிருக்கிறார்களே?

இன்று சமூகத்தில் நேர்மை ஓரளவேனும் குடிகொண்டிருக்கும் இடங்களில் பிளாக்கும் ஒன்று. பிளாக்கர்களில் இந்தப் படத்தை புகழ்கிறவர்களை மூன்று பிரிவாகப் பிரிக்கலாம். முதல் பிரிவினர் மூலப் படத்தை பார்க்காவதவர்கள். ஆகையானலேயே இந்தப் படம் கொடுக்கிற ஆச்சர்யத்தில் இது எந்தப் படத்தில் இருந்து எடுக்கப் பட்டிருந்தால் என்ன எனக்கு இது சந்தோஷம் தருகிறது என்ற எண்ணத்தில் எழுதுகிறார்கள். இரண்டாவது பிரிவினர் திருடுவதுதான் இன்று எல்லோரும் செய்கிற காரியமாக ஆகி விட்டதே பின் ஏன் இன்னமும் நாம் அதைப் பொருட்படுத்திக் கொண்டிருக்க வேண்டும். அடுத்த வேலையைப் பார்ப்போம் என்ற முடிவிற்கு வந்தவர்கள். மூன்றாவது பிரிவினர் அது திருடப்பட்டது என்ற தகவலே தெரியாதவர்கள்.

இடதுசாரி எழுத்தாளர் பவா செல்லத்துரை கூட இந்தப் படத்தை வானளாவப் புகழ்ந்தாரே?

இடது சாரிகளிடம் இருந்தும் நேர்மை போய் விட்டது என்பதற்கான அடையாளம் தான் அது.அவர்கள் அவ்வப்போது நடத்துகிற கலை விழாவிற்கு சினிமா பிரபலங்கள் தேவைப் படுகிறார்கள். நேர்மை கீர்மை என்றெல்லாம் ஸ்ட்ரிக்டாக இருந்தால் அப்புறம் விழா நடத்த முடியாது. அதனாலேயே அவர்கள் கொஞ்சம் ஈவு சோவாக நடந்து கொள்ள முடிவு செய்திருக்கலாம்.

உதவி இயக்குனர்கள் நிறைய படிக்க வேண்டும் என்று மிஷ்கின் மீண்டும் மீண்டும் வலியுறுத்தகிறாரே.. பின்னணி என்னவாக இருக்கும்?

இரண்டு பின்னணிகளை நான் யூகிக்கிறேன்.

1. அவர்கள் புத்தகம் வாசிக்காமல் டிவிடி பார்த்துக் கொண்டிருப்பதால் தான் இவர் எடுக்கிற படங்கள் எல்லாம் எந்தப் படத்தின் மூலம் என்பதை கண்டு பிடித்து விடுகிறார்கள். அதைத் தவிர்ப்பதற்காக இருக்கலாம்.

2. இயக்கனர் ஆவதற்கு புத்தகம் வாசிக்க வேண்டும் என்ற எண்ணத்தை ஏற்படுத்தி விட்டால் சினிமாவில் சாதிக்கலாம் என்று வருகிறவர்கள் தடி தடி புத்தகங்களைப் பார்த்து விட்டு இயக்குனராவது இவ்வளவு கடினமான காரியமா என்று யோசித்து வராமலே போக க் கூடும். இதன் மூலம் போட்டியாளர்களைத் தவிர்க்கலாம்.

நந்தலாலா ; அயோக்கியம்-மிஷ்கின் என்று தலைப்பு போட்டிருக்கிறீர்களே! அது என்ன அயோக்கியம்?

உலக சினிமாவின் கதையை அயோக்கியத் தனமாய் திருடி இயக்குபவர்கள் இனிமேல் வெறும் இயக்கம் என்று போடாமல் அயோக்கியம் என்று போட்டால் படம் பார்ப்பவர்கள் புரிந்து கொள்ள வசதியாக இருக்கும். இல்லையென்றால் பசங்க பட இயக்குனர் பாண்டியராஜன், வெண்ணிலா கபடி குழு சுசிந்திரன் போன்ற நேர்மையானவர்கள் வரியையிலேயே மிஷ்கினும் இடம் பெறும் ஆபத்து இருக்கிறது.அப்புறம் நல்லவர்களுக்கான எல்லா மரியாதையும் மிஷ்கினுக்கும் கிடைக்கும்

இப்படி செய்வதை தவறு என்று உணர்ந்து மிஷ்கினோ அல்லது அவருடன் இருக்கும் எழுத்தாளர்களோ தங்களை மாற்றிக் கொள்வதற்கு வாய்ப்பிருக்கிறதா?

மிஷ்கின் மாற மாட்டார். அவர் இதில் ருஷி கண்டு விட்டார். அவருடை முந்தைய படத்திற்கும் மூலப் படமாக ஒன்றைச் சொல்கிறார்கள். அவர் இப்பொழுது இயக்கி முடித்திருக்கும் யுத்தம் செய்க்கும் மூலப்படமாக ஒரு படத்தை சொல்லியிருக்கிறார்கள். அவர் கமலுக்கு இரண்டு மூன்று கதைகள் சொன்ன போது கூட , கமல் நீங்களே யோசித்து உருவாக்கும் கதை இருந்தால் சொல்லுங்கள், டிவிடி கதைகள் வேண்டாம் என்று சொல்லி அனுப்பியதாக பத்திரிக்கை கிசு கிசுக்களில் செய்தி வந்தது. எனவே பார்வையாளர்கள் கடுமையாக எதிர்ப்பு தெரிவிக்காத வரை மிஷ்கின் மாறிக்கொள்ள வாய்ப்பில்லை.

எழுத்தாளர்கள் மாற்றிக் கொள்ள மாட்டார்கள்.

இங்கு யாருக்கும் வெட்கம் இல்லை.